لاڑکانہ (نمائندہ جسارت) قنبر اور میرو خان تحصیل کے مختلف دیہات میں جھگڑوں میں دو افراد زخمی ہوگئے، جنہیں لاڑکانہ اسپتال منتقل کیا گیا۔ میرو خان کے گاؤں چھٹا خان مستوئی میں زمینی تنازع پر جھگڑا ہوا، جہاں فائرنگ کے نتیجے میں 22 سالہ نوجوان نیاز حسین مستوئی شدید زخمی ہوئے۔ دوسری جانب قمبر کے قریب گاؤں بھولا کلہوڑا میں معمولی بات پر جھگڑا ہوا جس کے نتیجے میں نوجوان صفدر علی کلہوڑو شدید زخمی ہوئے، دونوں زخمیوں کو ورثاء کی جانب سے چانڈکا اسپتال کے شعبہ حادثات منتقل کیا گیا جہاں انہیں طبی امداد دی گئی۔
