لاہور (آن لائن) پاکستان مسلم لیگ (ن) کے رہنما اور اپوزیشن لیڈر پنجاب اسمبلی حمزہ شہباز نے ہفتے کی صبح کوٹ لکھپت جیل میں اپنے والد اور سابق وزیراعلیٰ پنجاب شہباز شریف سے ملاقات کی۔ گزشتہ روز جیل مینول کے تحت شہباز شریف سے ان کی فیملی کے ممبران کی ملاقات کا مقررہ دن تھا۔ دونوں باپ بیٹے کے درمیان ہونے والی ملاقات میں شہباز شریف کی عدالت سے ضمانت کی منظوری کے باوجود ان کی عدم رہائی ملک کی موجودہ سیاسی صورتحال صوبے میں امن و امان کی صورتحال سمیت شریف خاندان کے افراد کے خلاف نیب کیسز کے حوالے سے تبادلہ خیال کیا گیا۔
