سکھر(نمائندہ جسارت) وزیراعظم عمران خان کل (جمعہ کو ) سکھر اور کراچی کا ایک روزہ دورہ کریں گے۔ ذرائع کا کہنا ہے کہ وزیراعظم اسلام آباد سے سکھر پہنچیں گے، گورنر سندھ، علی گوہر مہر دیگر رہنما سکھر ائرپورٹ پر انکا استقبال کریں گے۔ ذرائع کا کہنا ہے کہ وزیراعظم سکھر میں کامیاب نوجوان پروگرام کی تقریب میں شرکت کریں گے، وزیراعظم سکھر میں پارٹی رہنماؤں سے ملاقات کریں گے ، وزیراعظم سکھر میں جی ڈی اے رہنماؤں سے بھی ملاقات کریں گے ، وزیر اعظم کراچی میں شوکت خانم کے فنڈریزنگ افطار ڈنر میں شرکت کریں گے جبکہ گورنر ہاؤس میں مختصر قیام کے بعد اسلام آباد روانہ ہوں گے۔
