لاہور (صباح نیوز)وزیر اعلیٰ پنجاب کی معاون خصوصی برائے اطلاعات ونشریات ڈاکٹر فردوس عاشق نے کہا ہے کہ( ن) لیگ کے وفادارریٹرننگ افسران منشیات فروشوں، قبضہ مافیا کی بھرپور معاونت کرتے ہوئے نوشین افتخار کو الیکشن جتوانے میں بالآخر کامیاب ہوئے، تحریک انصاف کامقابلہ آر او ڈسکہ کے ساتھ بھی تھا۔ان خیالات کا اظہار انہوں نے ٹوئٹر پر جاری ایک بیان میں کیا۔ ان کا کہنا تھاکہ تحریک انصاف کے ورکرز کو( ن) لیگ کا ڈٹ کر مقابلہ کرنے پر مبارکباد پیش کرتی ہوں۔ حکومتی دبائوسے پاک انتخابات کی اس سے پہلے کوئی مثال نہیں ملتی۔ تمام تر انتظامی اختیارات کے باوجود پنجاب حکومت نے الیکشن میں کسی قسم کی مداخلت نہ کرکے اداروں کو آزاد اور خودمختار بنانے کی اعلیٰ مثال قائم کی۔
