راولپنڈی: ماہ صیام سے قبل 10 سستے بازار کھول دیے گئے

راولپنڈی (اسٹاف رپورٹر) راولپنڈی میں 10 سستے رمضان بازار لگائے گئے ہیں۔ اس سلسلے میں گزشتہ روز سستے رمضان بازاروں کو فعال کر دیا گیا۔ ڈائریکٹر پبلک ریلیشنز راولپنڈی ڈویژن تابندہ سلیم نے رمضان بازار شمس آباد علامہ اقبال پارک کا دورہ کیا ،مختلف
سٹالز کا معائنہ کیا اور ریٹ لسٹ بھی چیک کی۔اس موقع پر ایگری کلچر کی طرف سے سبزی و فروٹ ،آٹا کجھور،مصالحہ جات کے اسٹال لگائے گئے۔ انتظامیہ نے بتایا کہ حکومت پنجاب کی طرف سے آٹے کے 500بیگ روزانہ کی بنیاد پر اور 2بیگ فی کس کے حساب سے فروخت کیے جائیں گے۔ حکومت پنجاب کی طرف سے چینی 65روپے فی کلو کے حساب سے رمضان بازار میں فروخت ہوگی۔