اسلام آباد(اے پی پی )وزیر خارجہ شاہ محمود قریشی اپنے جرمن ہم منصب ہیکو ماس کی دعوت پرآج 3 روزہ دورے پر جرمنی روانہ ہوں گے۔ وزیر خارجہ جرمن ہم منصب کے ساتھ وفود کی سطح پر بات چیت کریں گے۔ اس دوران دونوں وزرائے خارجہ پاک جرمن تعلقات کے تمام پہلوئوں کا جائزہ لیں گے اور تجارت ، سرمایہ کاری ، صحت ، سلامتی، دفاع ، تعلیم ، سیاحت مختلف شعبوں میں تعاون کو مزید مستحکم کرنے سے متعلق امور پر تبادلہ خیال کریں گے۔
