کراچی ( اسٹاف رپورٹر)پاکستان پیپلزپارٹی پارلیمنٹرینز کے صدر آصف علی زرداری اور چیئرمین پی پی پی بلاول زرداری سے چینی سفیر کی وفد کے ہمراہ ملاقات، چینی سفارت خانے کے وفد میں ڈیفنس اتاشی اور قونصل جنرل کراچی سمیت دیگر سفارت کار شامل تھے۔ ملاقات کے دوران پاکستان اور چین میں باہمی تعاون کے معاملات پر تبادلہ خیال کیا گیا، آصف زرداری، بلاول اور چینی سفارت کار کے درمیان پاکستان اور چین کے درمیان طویل برادرانہ تعلقات، پیپلزپارٹی اور کمیونسٹ پارٹی آف چائنا کے دیرینہ تعلقات پر بھی گفتگو ہوئی ۔
