کراچی (اسٹاف رپورٹر) سندھ باکسنگ ایسوسی ایشن کے صدر ڈاکٹر صدیق پٹنی نے کہا ہے کہ باکسنگ کے میدان میں پاکستان کا وقار بحال کریں گے اور عالمی سطح پر روشنا س کروائیں گے ۔ انہوں نے بے نظیر بھٹو شہید یونیورسٹی لیاری میں گزشتہ روز منعقدہ تقریب میں خطاب کرتے ہوئے سندھ باکسنگ ایسوسی ایشن کے زیر اہتمام 3 باکسنگ اکیڈمیز کے قیام کا اعلان کیا اور گراس لیول پر نئے کھلاڑیوں کی تربیت کرتے ہوئے نیا ٹیلینٹ سامنے لائیں گے ۔کراچی میں ڈاکٹر صدیق پٹنی باکسنگ اکیڈمی کا قیام عمل میں لایا جا چکا ہے ۔باکسنگ اکیڈمی کے تحت غیر ملکی دورے بھی کئے جائیں گے تاکہ بین الاقوامی سطح پر قوم باکسنگ کو روشناس کیا جائے۔ اس سلسلے میں سب سے پہلے ایران کا دورہ کیا جائے گا۔سندھ باکسنگ ایسوسی ایشن کے صدر ڈاکٹر صدیق پٹنی کی دعوت پر تقریب میں پاکستان سے 60 سے زائد باکسرز شریک ہوئے ۔
