اسلام آباد: کاروباری مراکز مختلف ایام میں بند کرنے کا فیصلہ

اسلام آباد (اسٹاف رپورٹر) ملک بھر کی طرح وفاقی دارالحکومت میں کورونا وائرس کے بڑھتے پھیلاؤوکی روک تھام کے لیے ضلعی انتظامیہ نے شہر کے مختلف کاروباری مراکز ہفتے کے مختلف دنوں میں بند کرنے کا فیصلہ کیا ہے۔ ضلعی انتظامیہ کی جانب سے جاری نوٹیفکیشن کے مطابق جمعہ اور ہفتے کو جی 9، جی 13، ستارہ مارکیٹ، جی 15، جی 10، فرنیچر مارکیٹ بند رہیں گی۔ گولڑہ روڈ، بہارہ کہو، ڈی ایچ اے، پی ڈبلیو ڈی، پاکستان ٹاؤن، جی 11، آپیارہ مارکیٹ، آئی ٹین میں بھی تمام مارکیٹیں جمعہ اور ہفتے کو بند رہیں گی۔ نوٹیفکیشن کے مطابق جمعرات اور جمعہ کو صفا مال، سینٹورس مال، گیگا مال، ایما زون مال بند رہیں گے جب کہ ہفتے اور اتوار کو بلیو ایریا، ایف 10، میلوڈی مارکیٹ، ای 11، ایف 8، آئی 8، ایف 11، ایف 6 اور ایف 7 کی مارکیٹیں بند رکھی جائیں گی۔