کراچی(اسٹاف رپورٹر)پاکستان کوئز سوسائٹی انٹرنیشنل رجسٹرڈ نے یومِ پاکستان کے موقع پر دوکوئز مقابلے منعقد کرائے،پہلامقابلہ’’ آئی سی ایم اے‘‘پاکستان کراچی برانچ کونسل کے زیراہتمام منعقد ہوا جس میں ’’آئی سی ایم اے‘‘ کے طلبہ نے شرکت کی، پروگرام میں تحریک پاکستان کے حوالے سے سوالات پوچھے گئے ،دلچسپ مقابلے کے بعدمحمد امین اور عثمان کھتری کی ٹیم نے پہلی پوزیشن حاصل کی جبکہ شاہد مجید بھٹی اور محمد حمزہ کی ٹیم دوسرے نمبر پر رہی،مہمان خصوصی آئی سی ایم اے پاکستان کے شہام احمد اور پاکستان کوئز سوسائٹی انٹرنیشنل کے قائم مقام چیئرمین اور کوئز ماسٹرسید جاوید رضانقوی اور سوسائٹی کے صدرواجد رضااصفہانی نے کامیاب شرکاء میں انعامات تقسیم کیے،مقابلے میں ججز کے فرائض پروفیسر منور قریشی، پروفیسر ایاز رضاترمذی اور سعیداحمد سعیدنے انجام دیے۔اس موقع پر سوسائٹی کے ذمے داران سیکرٹری بکر مجیب الہاشمی، نائب صدورتحسین فاطمہ،عظیم صدیقی ،جوائنٹ سیکرٹری عارف سومرواور ممبر ایگزیکٹو کونسل راشد قریشی بھی موجود تھے۔ دوسرا پروگرام بہادر یارجنگ اکیڈمی کے اشتراک سے منعقدکیا،جس میں 24ٹیموں نے شرکت کی،سخت مقابلے کے بعد پہلا انعام سرآدم جی انسٹی ٹیوٹ کی صباہاشم اور یمنا ندیم نے حاصل کیا.
