کراچی(اسٹاف رپورٹر) چیئرمین آل پاکستان امپورٹرز اینڈ ڈیلرز ایسوسی ایشن خالد وحید نے فیڈرل بورڈ آف ریونیو( ایف بی آر) سے اپیل کی کہ وہ کسٹم ڈیوٹی کو کم کریں اور موٹرسائیکل کے اسپیئر پارٹس کی تجارتی درآمد پر اضافی کسٹم ڈیوٹی کو کم کرنے پر اپنی طرف متوجہ کریں۔ خالد وحید نے کہا کہ موٹرسائیکل اسپیئر پارٹس کی کمرشل درآمدپر کسٹم ڈیوٹی 35 فیصد ، اضافی کسٹم ڈیوٹی 11فیصد، سیلز ٹیکس 17فیصد، انکم ٹیکس 5.5فیصد اور جی ایس ٹی ٹیکس کا مجموعی اثر درآمدی مرحلے پر 93 فیصد ہوجاتا ہے جس سے اسپیئر پارٹس عام موٹرسائیکل سواروں کے خریدنے کے لیے مشکل ترین کے ذریعہ بنتا جارہا ہے،درآمدی مرحلے پر ڈیوٹی اور ٹیکس کی زبردست شرح اور ملک بھر میں اسمگل شدہ اسپیئر پارٹس کے بڑھتے ہوئے حجم کی وجہ سے یہ تجارت تباہی کے دہانے پر ہے۔ان کا کہنا تھا کہ ملک میں خصوصا ً کراچی میں ٹرانسپورٹ کے مناسب نظام کی عدم موجودگی میں جہاں غریب افراد روزانہ اپنی نوکریوں پر جانے کے لیے موٹرسائیکلوں کے ذریعہ 50فیصد سفر کرتے ہیں ،یہاں رجسٹرڈ موٹر سائیکل 15 ملین ہیں یعنی 15 ملین غریب افراد اس پر 93 فیصد ٹیکس دے رہے ہیں۔
