نوابشاہ (سٹی رپورٹر) نوابشاہ کے نزدیک کوٹ لالو مہران ہائی وے پر مسافر وین اور موٹر سائیکلوں میں تصادم ، 6 افراد جاں بحق۔ تفصیلات کے مطابق مہران ہائی وے پر تیز رفتار مسافر وین کی موٹر سائیکلوں کو ٹکر جسکے نتیجے میں5بچوں سمیت6 افراد جاں بحق ہو گئے جن میں 3
کی شناخت 25 سالہ امتیاز علی، 10 سالہ حبدار علی اور 8 سالہ علی کے نام سے ہوئی ہے ۔حادثے کی اطلاع ملنے پر مقامی پولیس نے جائے وقوع پر پہنچ کر نعش کو اپنی تحویل میں لے کر پوسٹ مارٹم کے لیے سرکاری اسپتال منتقل کیا ۔دوسری جانب بتایا جارہا ہے کہ دو موٹر سائیکلوں پر سوار اسکول کے طلبہ تھے جو اسکول جا رہے تھے تو اچانک تیز رفتار مسافر وین سے زوردار ٹکر ہوئی جسکے نتیجے میں بچے موقع پر جاں بحق ہو گئے جبکہ وین ڈرائیور موقع سے فرار ہونے میں کامیاب ہو گیا۔دوسری جانب واقعے کی اطلاع ملتے ہی اسکول کے طالبعلموں نے مہران ہائی وے پراحتجاج کر کے دھرنا دے دیا جبکہ تاجروں نے واقعے کے خلاف شٹر ڈاؤن ہڑتال کرتے ہوئے وین ڈرائیور کی گرفتاری کا مطالبہ کیا۔
