نلتر: گلگت میں مسافر گاڑی پر نامعلوم افراد کی فائرنگ کے نتیجے میں 5 افراد جاں بحق جبکہ 8 زخمی ہو گئے۔
میڈیا رپورٹس کے مطابق مسافر گاڑی گلگت سے نلتر بالا جارہی تھی کہ نامعلوم افراد نے نلتر پائن میں آر سی سی پل کے قریب گاڑی پر اندھا دھند فائرنگ کردی، جس کے نتیجے میں کم از کم 5 افراد جاں بحق جبکہ 8 زخمی ہوگئے۔ واقعے میں زخمی و جاں بحق ہونے والے افراد کو گلگت اسپتال منتقل کیا جا رہا ہے، جہاں زخمیوں کو طبی امداد دی جائے گی، ایس ایس پی گلگت کا بتانا ہے کہ جاں بحق اور زخمیوں کا تعلق نلتربالا سے ہے۔
واقعے کی اطلاع ملتے ہی نومل تھانہ پولیس جائے واردات پر پہنچ گئی اور ملزمان کی گرفتاری کی کوششیں شروع کردیں، پولیس نے علاقے کو گھیرے میں لیکر شواہد اکٹھے کرنا شروع کردیے ہیں۔
