میرپورخاص(بیورورپورٹ) سندھ بیڈمنٹن ایسو سی ایشن کی زیر نگرانی یوم پاکستان کی مناسبت سے 2 روزہ ڈسٹرکٹ میرپورخاص بیڈمنٹن ٹورنامنٹ گاما اسٹیڈیم بیڈمنٹن ہال میں منعقد کیا گیا ٹورنامنٹ کا افتتاح صدر پیٹرولیم ایسو سی ایشن میرپورخاص شاہ رخ خان نے کیا جبکہ اعزازی مہمان میرپورخاص یوتھ اسپورٹس کمیٹی کے جنرل سیکریٹری اور سابقہ بیڈمنٹن کھلاڑی ملک محمد اقبال ،وسیم الدین خان ، میر امام بلوچ، محمد اقبال آرائیں اور محمد اجمل خان تھے۔ کھیلے گئے افتتاحی میچ میں ایس ایس بیڈمنٹن کی ٹیم نے برادرز بیڈمنٹن کلب کو شکست دی آرگنائزنگ سیکرٹری احسن اقبال آرائیں نے بتایا کہ ٹورنامنٹ میںمیرپورخاص کی 6 بیڈمنٹن ٹیموں ایم ایس بیڈمنٹن کلب ،بگھیو بیڈمنٹن کلب، مہر بیڈمنٹن کلب ایس ایس بیڈمنٹن کلب ،برادرز بیڈمنٹن کلب اور فرینڈز بیڈمنٹن کلب نے حصہ لیا جبکہ ٹورنامنٹ کمیٹی ممبران میں عدنان خالد،انیق احمد شامل تھے ۔ٹورنامنٹ کا فائنل میچ ایم ایس بیڈمنٹن کلب اور بگھیو بیڈمنٹن کی ٹیموں کے مابین کھیلا گیا جسے محسن علی لاشاری اور شاہد علی جونیجو پر مشتمل ایم ایس بیڈمنٹن کلب کی ٹیم نے سرمد خان بگھیو اور نبی بخش پر مشتمل بگھیو بیڈمنٹن کلب کو بیسٹ آف تھری میں 2-1 سیٹ سے شکست دیکر جیت لیا۔ اختتامی تقریب کے مہمان خصوصی دی اسمارٹ اسکول کے ایگزیکٹیو ڈائریکٹر نوخیز علی آرائیں تھے جنہوں نے ونر اور رنر ٹیموں کے علاوہ دیگر کھلاڑیوں میں انعامات تقسیم کیے۔
