لاڑکانہ(نمائندہ جسارت) لاڑکانہ کے قریب گاؤں حیسب چانڈیو کے رہائشی ریٹائرڈ پولیس اہلکار غلام نبی ٹگڑ نے بااثر رشتے داروں کی مبینہ زیادتیوں کے خلاف پریس کلب کے سامنے احتجاج کیا۔اس موقع پر انہوں نے الزام عائد کیا کہ بھائی علی گوہر ٹائڑ، بھتیجے ایڈووکیٹ امداد علی ٹگڑ، پولیس اہلکار سردار ٹگڑ، اسماعیل عرف بگو اور حسین ٹگڑ نے میری 5 جریب زرعی زمین اور اوطاق پر زبردستی قبضہ کرکے مجھ سمیت میرے بیٹوں عبدالمجید، محمد جمن اور رفیق ٹگڑ پر تھانہ رحمت پور پر جھوٹا مقدمہ درج کیا جس مقدمے کی آڑ میں پولیس اہلکار سردار ٹگڑ نے پولیس گاڑی کے ہمراہ حملہ تشدد کا نشانہ بنایا جس کے بعد پولیس نے رشوت لے کر رہا کردیا۔ انہوں نے مطالبہ کیا کہ بااثر بھائی و دیگر رشتے داروں کو گرفتار کرکے تحفظ فراہم کیا جائے۔
