کراچی(اے پی پی ) شہید محترمہ بینظیر بھٹو ٹی ٹو ئنٹی کرکٹ ٹورنامنٹ کے فائنل میں ابوریحان کرکٹ کلب نے لیاقت آباد الیون کو5 وکٹوں سے شکست دے کر ٹرافی اپنے نام کرلی۔کے ایم سی گراؤنڈ پر پہلے بیٹنگ کرتے ہوئے لیاقت آباد الیون نے 232 رنز بنائے۔ جواب میں ابوریحان کرکٹ کلب نے 5 وکٹوں کے نقصان پر مطلوبہ ہدف پورا کرلیا۔کپتان فراز احمد خان نے جارحانہ بیٹنگ کرتے ہوئے 11چوکوں اور 5 چھکوں کی مدد سے ناقابل شکست 102 رنز بنائے ۔
