لاہور( نمائندہ جسارت ) پیپلز پارٹی کے چیئرمین بلاول زرداری پیر کو جماعت اسلامی کے مرکز منصورہ آئیں گے اور امیرجماعت اسلامی سراج الحق سے ملاقات کریں گے۔ ترجمان جماعت اسلامی قیصر شریف کے مطابق بلاول زرداری کے ہمراہ سابق وزیراعظم یوسف رضا گیلانی اور پیپلز پارٹی کی دیگر قیادت بھی ہوگی۔ ملاقات میں امیرالعظیم سمیت جماعت اسلامی کی مرکزی قیادت بھی شریک ہوگی۔ ملاقات میں ملک کی مجموعی سیاسی صورتحال اور دیگر امور پر گفتگو ہوگی۔ بلاول زرداری سراج الحق سے ان کی والدہ ، حافظ سلمان بٹ اور عبدالغفار عزیز کی وفات پر اظہار افسوس اور دعا کریں گے۔
