گوجرانوالہ (آن لائن) گوجرانوالہ کے علاقے کوہلو والا میں موبائل چارجنگ کے دوران موبائل میں آگ لگ گئی، جس سے لڑکی جھلس کر جاں بحق ہوگئی۔ پولیس کا کہنا ہے کہ ابتدائی تحقیقات کے مطابق کمرے میں گیس بھی لیک ہو رہی تھی، گیس لیکیج کی وجہ سے موبائل میں لگی آگ مزید بھڑک اٹھی۔ پولیس کا کہنا ہے کہ کمرے میں آگ لگنے سے لڑکی جھلس کر جاں بحق ہوگئی۔لڑکی کے اہلخانہ نے پولیس کو بیان میں کہا کہ چارجنگ کے دوران لڑکی ہیڈ فون لگائے موبائل پر بات کر رہی تھی، موبائل پر بات کرتے ہوئے اچانک فون اور چارجنگ کی تار میں آگ لگ گئی۔ پولیس کا کہنا ہے کہ آگ سے لڑکی کا چہرہ مکمل اور جسم کے کچھ حصے بری طرح جھلس گئے، ابتدائی طور پر معاملہ حادثہ لگ رہا ہے، مزید تحقیقات جاری ہے۔
