راولپنڈی( آن لائن )آرمی چیف جنرل قمر جاوید باجوہ سے ائرچیف مارشل نے الوداعی ملاقات کی۔پاک فوج کے شعبہ تعلقات عامہ (آئی ایس پی آر) کے مطابق پاک فضائیہ کے سربراہ ائر چیف مارشل مجاہد انور خان نے جی ایچ کیو کا دورہ کیا جہاں چاق و چوبند دستے نے ائر چیف کو یادگار شہدا پر اعزازی گارڈ آف آنر پیش کیا۔آرمی چیف جنرل قمر جاوید باجوہ سے مجاہد انور خان نے الوداعی ملاقات کی جبکہ آرمی چیف نے مجاہد انور خان کی خدمات کو سراہا۔آرمی چیف جنرل قمر جاوید باجوہ نے آپریشن سوئفٹ ریٹارٹ کے دوران ائرچیف کی صلاحیتوں کی تعریف کی ۔
