کراچی(اسٹاف رپورٹر) پاکستان کرکٹ بورڈ کی اجازت سے اور نیو سنگم کرکٹ کلب کے زیر اہتمام منعقدہ آل سندھ پروفیسر اعجاز احمد فاروقی انویٹیشن کرکٹ ٹورنامنٹ میں مزید چار میچوں کا فیصلہ ہوگیا ،پی سی بی گراونڈ لاڑکانہ پر برادرز کرکٹ کلب دادو نے شاہ عبدالطیف کو تین وکٹوں سے شکست دیدی ،شاہ عبدالطیف نے پہلے بیٹنگ کرتے ہوئے 9 وکٹوں کے نقصان پر 231رنز بنا ہے۔ جواب میں برادرز کرکٹ کلب دادو نے مطلوبہ ہدف 43 اوورز میں 7 وکٹوں کے نقصان پر حاصل کرلیا ۔ایسٹرن اسٹار گرائونڈ پر کھیلے گئے میچ میں لیٹ اسماعیل جعفر کرکٹ کلب نے گلشن معمار جمخانہ کو 6 وکٹوں سے شکست دیدی گلشن معمار کی ٹیم نے پہلے بیٹنگ کرتے ہوئے 38 اوورز میں 152رنز بنا کر آئوٹ ہوگئی۔جواب میں لیٹ اسماعیل جعفر کرکٹ کلب نے 16.1 میں اوورز چار وکٹوں کے نقصان پر مطلوبہ ہدف پورا کرلیا۔لانڈھی جمخانہ گرائونڈ پر یونین اسپورٹس نے پیراماؤنٹ کرکٹ کلب کو دلچسپ مقابلے کے بعد ایک وکٹ سے شکست دیدی نیو پیراماؤنٹ کرکٹ کلب کی پوری ٹیم 44 اوورز میں 193رنز بنا کر آئوٹ ہوگئی ۔جواب میں یونین اسپورٹس نے مطلوبہ ہدف 45 اوورز میں9 وکٹوں کے نقصان پر پورا کرلیا ۔کے سی سی اے اسٹیڈیم پر کھیلے گئے میچ میں بقائی ڈولفن نے ٹی ایم سی کرکٹ کلب کو باآسانی 9 وکٹوں سے شکست دیدی ،ٹی ایم سی کرکٹ کلب کی پوری ٹیم پہلے بیٹنگ کرتے ہوئے120 رنز بنا کر آوٹ ہوگئی۔ جواب میں بقائی ڈولفن نے مطلوبہ ہدف 17 اوورز میں ایک وکٹ کے نقصان پر پورا کرلیا عزت اللہ نے ناقابل شکست 60 رنز بنائے۔
