جمیل احمد کلر کٹ ٹورنامنٹ ،سندھ ہائی کورٹ گرین کی فتح

کراچی (اسٹاف رپورٹر)سندھ ہائی کورٹ گرین کے زیر اہتمام منعقد ہونے والے جمیل احمد کلر کٹ کرکٹ ٹورنامنٹ کا افتتاح پروفیسراعجاز احمد فاروقی نے کیا ،اس موقع پر انہوں نے کھیل اور کھلاڑیوں کے جذبے کو سراہا اور انہیں کھیل اور زندگی کے دوسرے شعبوں میں محنت کرنے اور آگے بڑھنے کا پیغام دیا، اس موقع پر جمیل احمد ، اشرف علی ، نصرت علی و دیگر بھی موجود تھے۔ بعد ازاں ٹی ایم سی کرکٹ گرائونڈ پر کھیلے گئے افتتاحی میچ میں سندھ ہائی کورٹ گرین نے گرین اسپورٹس کو 42 رنز سے شکست دیدی سندھ ہائی کورٹ گرین نے پہلے بیٹنگ کرتے ہوئے مقررہ 20 اوورز میں 180 رنز اسکور کیے عدنان صغیر نے دو چھکوں اور چار چوکّوں کی مدد سے 55 رنز جبکہ ساجد پیچو نے جارحانہ انداز میں بیٹنگ کرتے ہوئے پانچ چھکوں اور تین چوکّوں کی مدد سے صرف 18 گیندوں پر 54 رنز اسکورکیے۔ جواب میں گرین اسپورٹس کی پوری ٹیم ہدف کے تعاقب میں 138 رنز بنا کر آئوٹ ہوگئی ریاض صدیقی نے 35 رنز جبکہ احمد صادق نے 25 رنز اسکور کیے اشرف صدیقی نے ساجد پیچو کو مین آف دی میچ قرار دیا۔