ایگریکلچر انجینئرنگ ایمپلائز ایسوسیشن بلوچستان کے صدر ثناء الحق کامریڈ عبد الروف ودیگر نے ایک بیان میں گزشتہ دنوں ژوب زرعی انجینئرنگ کے دفتر میںایک شخص نے ڈپٹی ڈائریکٹرطاہر مندوخیل ایگریکلچرآفیسرعبد الرّحمان اور دیگر عملے کو دفتر میں زد کوب کرنے اور کلاشنکوف سے فائرنگ کی افسران اور عملہ کے دیگر ارکان معجزانہ طور پر بچ گئے۔ گولیاں دیوار پر لگی جس کی ایگریکلچر انجینئرنگ ایمپلائز ایسوسیشن بلوچستان شدیدالفاظ میں مذمت کری ہے۔ انہوں نے کہا کہ واقع کے بعدآفیسران اور ملازمین میں عدم تحفظ کے بنا پر تشویش پائی جاتی ہے اور انتظامیہ اور اعلیٰ حکام سے مطالبہ کرتے ہیں کہ واقع میں ملوث شخص کے خلاف ایف آئی آرتو درج کی گئی ہے لیکن اس شخص کو ابھی تک گرفتار نہیں کیا گیا۔ انھوں نے کہا کہ نامزد شخص کوفورری طور پرگرفتارکر کے ان کے خلاف قانونی کارروائی کی جائیں اور آئندہ ایسے واقعات کے روک تھام کے لئے ژوب زرعی انجینئرنگ کے دفتری عملے کو تحفظ یقینی بنانے کیلئے ٹھوس اقدامات کیے جائیں۔
