سانگھڑ روڈ پر کار اور موٹر سائیکل میں ٹکر، باپ اور بیٹا زخمی

شہدادپور (نمائندہ جسارت) سانگھڑ روڈ پر کار اور موٹر سائیکل کے مابین تصادم، باپ اور بیٹا شدید زخمی، پولیس نے کار کو تحویل میں لے لیا۔شہدادپور کے قریب سانگھڑ روڈ پر سونیا کاٹن فیکٹری کے قریب تیز رفتار الٹو کار نے موٹر سائیکل کو روند ڈالا موٹر سائیکل پر سوار 17 سالہ ڈیوو کولہی اور اس کے والد دھرمو کولہی زخمی ہوگئے، اطلاع پر پولیس نے کار کو اپنی تحویل میں لے لیا، باپ، بیٹا گاو¿ں حاجی جمالی کے رہائشی بتائے جا رہے ہیں، زخمیوں کو فوری طور پر سمس اسپتال لایا گیا جہاں ان کی حالت تشویشناک بتائی جارہی ہے۔ دوسری جانب ہنگورا روڈ پر دو موٹر سائیکلوں میں ٹکر کے نتیجے میں سائیں بخش بروہی، مراد بروہی اور عبد اللہ شاہ زخمی ہوگئے زخمیوں کو طبی امداد دینے کے بعد سائیں بخش بروہی اور مراد بروہی کو نازک حالت ہونے کے باعث حیدرآباد ہاسپٹل منتقل کیا گیا۔