اسلام آباد(آئی این پی)پیپلز پارٹی کے چیئر مین بلاول زرداری نے کہا ہے کہ ووٹ پر ڈاکا ہر فورم پر چیلنج کریں گے۔صحافیوں نے بلاول زرداری سے سوال کیاکہ اطلاعات ہیں کہ(ن)لیگ کے سینیٹرزنے پی ڈی ایم کے امیدواروں کو ووٹ نہیں دیا‘اس پر بلاول زرداری کا کہنا تھا کہ سب نے وفا کی مجھے پتا ہے،ہم سب کو پتا ہے کہ ہم نے پی ڈی ایم کے متحد ہونے کی وجہ سے سینیٹ کی نشستیں جیتیں ،مزید یہ کہ ہم اسی لیے اتنے ووٹ حاصل کرسکے کہ سب نے وفا کی اور سب نے ساتھ دیا۔انہوں نے کہا کہ گزشتہ سینیٹ انتخابات میں جو داغ لگا تھا اپوزیشن کے سینیٹرز نے وہ داغ حالیہ انتخابات میں اپنے کردار سے دھو دیا ۔
