کوئٹہ(نمائندہ جسارت)کوئٹہ کے نواحی علاقے مارواڑ میں مٹی کا تودہ گرنے سے 6 مزدور کوئلہ کان میں پھنس گئے۔اطلاعات کے مطابق واقعہ مارواڑ میںکرد کول کمپنی میں پیش آیا جہاں کام کے دوران کوئلہ کان میں مٹی کا تودہ گر نے کے باعث 6 مزدور کان میں پھنس گئے۔ اطلاع ملنے پر ریسکیو عملے نے موقع پر پہنچ کر موجود افراد کے ہمراہ ریسکیو آپریشن شروع کیا ۔ دو کا نکن نکال لیے گئے جبکہ دیگر کو نکالنے کیلیے آپریشن جاری ہے۔
