لاڑکانہ(نمائندہ جسارت) لاڑکانہ شہر کے نیو بس اسٹینڈ کے علاقے میں کوچ ائرکنڈیشن کی مرمت کے دوران کمپریسر پھٹنے سے تین محنت کش مظہر کلہوڑو، طالب چنا اور غلام علی میرجت جھلس کر شدید زخمی ہوگئے جنہیں زخمی حالت میں چانڈکا اسپتال کے شعبہ حادثات منتقل کیا گیا جہاں انہیں طبی امداد دی گئی۔ زخمیوں کے مطابق وہ کوچ کے ائرکنڈیشن کی مرمت میں مصروف تھے کہ اچانک کمپریسر پھٹنے سے وہ جھلس کر زخمی ہوگئے۔ دوسری جانب آخری اطلاع موصول ہونے تک زخمیوں کا علاج جاری تھا۔
