گلگت بلتستان کورونا وائرس سے پاک ہوگیا، محکمہ صحت کا دعویٰ

گلگت(مانیٹرنگ ڈیسک)گلگت بلتستان کورونا سے پاک ہو گیا جہاں بدھ کے دن کورونا کا کوئی نیا مریض سامنے نہیں آیا ہے۔محکمہ صحت کے مطابق گلگت بلتستان میں کورونا وائرس سے متاثرہ مریضوں کی مجموعی تعداد 4959 تک پہنچ گئی تھی تاہم کورونا سے متاثرہ 3 زیر علاج صحت یاب ہو گئے جب کہ گزشتہ روز گلگت بلتستان میں کورونا کا کوئی ایکٹیو کیس سامنے نہیں آیا۔گلگت بلتستان کے محکمہ صحت کے مطابق کورونا وائرس سے مجموعی طور پر اب تک 206 سیاحوں سمیت 4855 مریض شکست دینے میں کامیاب ہوئے ہیں۔ کورونا سے اب تک گلگت بلتستان میں 103 مریض زندگی کی بازی ہار چکے ہیں ۔