کوٹری(جسار ت نیوز ) علی بابا گورنمنٹ بوائز ڈگری کالج کوٹری اسپورٹس ویک والی بال ایونٹ XI انجینیئرنگ نے جیت لیا۔فائنل میں کمبائینڈ آرٹس کو شکست کرنا پڑا۔قبل ازیں کالج کے پرنسپل پروفیسر عبدالمجید عمرانی نے افتتاح کیا تھا۔ فاتح ٹیم نے پہلے سیمی فائنل میں انٹر کو 3-1 سے جبکہ دوسرے سیمی فائنل میں کمبائینڈ آرٹس نے انٹر پری میڈیکل کو 3-0 سے شکست دی۔دونوں میچوں پرگورنمنٹ بوائز اور اشاعت الاسلام ہائی اسکولز کوٹری کے ہیڈ ماسٹرز منظور پنہور اور غلام شبیر کھوسو جبکہ فائنل کے موقع کے پر پروفیسر رفیق احمد سومرو مہمان خصوصی تھے۔ جنکی آمد پر انہیں پروفیسر الطاف میمن، پرویز احمد شیخ اور محمد امین نے اجرک پہنائیں اور ٹیموں کا ان سے تعارف کرایا۔ اس موقع پر تمام ٹیموں کے انچارجزپروفیسرز جاوید اقبال شیخ،خلیل اللہ میمن ، نذیر شاہانی،غلام حسین کھوسو،اسلم کھوسو، فہیم میرانی، عرفان سومرو،عبدالغفار ملاح اور عبدالقیوم لغاری موجود تھے۔
