اسلام آباد (آن لائن) پیپلز پارٹی کے رہنما راجا پرویز اشرف نے وزیراعظم عمران خان کے پارلیمنٹ سے اعتماد کا ووٹ حاصل کرنے میں کامیابی پر ردعمل دیتے ہوئے کہا ہے کہ وزیراعظم دوڑ میں اکیلے تھے اور اکیلے ہی دوڑ کر اول آئے ہیں۔ میڈیا سے گفتگو میں انہوں نے کہا کہ اپوزیشن تو 2 دن پہلے سینیٹ الیکشن میں حکومت کو شکست دے چکی ہے۔ جمہوریت کو دھمکیوں کے ذریعے پروان نہیں چڑھایا جا رہا، پہلے جمہوریت کا مطلب سمجھنے کی کوشش کریں، جمہوریت حکومت اور اپوزیشن کے درمیان مقابلے کو کہتے ہیں۔
