پشاور(جسارت نیوز)ڈائریکٹوریٹ آف اسپورٹس یونیورسٹی آف پشاور کے زیر اہتمام بوائز انٹر کالجز ڈگری اسپورٹس فیسٹیول کی جنرل ٹرافی پوسٹ گریجویٹ ڈیپارٹمنٹ یونیورسٹی آف پشاور نے جیت لی ، اس موقع پر خیبرپختونخوا ہائر ایجوکیشن کمیشن کے سیکرٹری دائود خان مہمان خصوصی تھے ان کے ہمراہ وائس چانسلر پشاور یونیورسٹی پروفیسر ڈاکٹر محمد ادریس‘اسکواش کے سابق برٹش چیمپئن قمرزمان‘ڈائریکٹرجنرل اسپورٹس پشاور یونیورسٹی بحرکرم‘صدر سپورٹس کمیٹی پشاور یونیورسٹی پروفیسر نصیر خان خٹک ‘پرنسپل گورنمنٹ کالج پشاور پروفیسر نصر اللہ خان ‘پرنسپل گورنمنٹ سپرئیر سائنس کالج پشاور پروفیسر شریف گل ‘ڈاکٹر حب اللہ ‘ورلڈ کپ میں نمائندگی کرنیوالے کرکٹر محسن سمیت دیگر آفیشلز بھی موجود تھے‘بوائز انٹر کالجز ڈگری سپورٹس فیسٹیول کے نتائج کے مطابق بیڈمنٹن میں گورنمنٹ کالج آف مینجمنٹ سائنسز نمبر دو پشاور نے پہلی ‘پوسٹ گریجویٹ ڈیپارٹمنٹ یونیورسٹی آف پشاور نے دوسری اور گورنمنٹ کالج متھرا پشاور نے تیسری پوزیشن حاصل کی۔
