لاہور (آن لائن)معاون خصوصی فردوس عاشق اعوان نے کہا ہے یوسف رضا گیلانی کی فتح نوٹ سے جڑی ہے، لین دین اورگٹھ جوڑکرکےسیاست کاجنازہ نکالا گیا،وزیراعظم نے بہادری و دلیری سے اعتماد کا ووٹ لینے کا فیصلہ کرکے اس ٹولے کی بساط کو الٹ دیا ہے۔ کالی بھیڑوں کو بے نقاب کرنا عمران خان کا مشن ہے ۔ جعلی راج کماری یوسف رضا گیلانی کی فتخ کا ڈنکا بجا رہی تھیں کےا وہ اسلام آباد سے اپنی خاتون امیدوار کی شکست کو بھول گئیں ۔ ووٹ کو عزت دو کا نعرہ لگانے والوں نے نوٹ کو عزت دے کر اپنے تابوت میں آخری کیل ٹھونکا،جمعرات کو لاہور مےں پرےس کانفرنس کرتے ہوئے معاو ن خصوصی کا کہنا تھا کہ عمران خان نے ن لیگ کو پنجاب اور پیپلزپارٹی کو سندھ تک محدود کر دیا، تحریک انصاف سینیٹ کی اکثریتی جماعت بن کرسامنے آئی۔ انہوں نے کہا کہ پی ڈی ایم نے قوم سے معافی کی بجائے بے توقیر کیا، سیاست کے نام پر کاروبار کرنیوالوں نے اپنی کاریگری دکھا دی، وزیراعظم کی قیادت میں آئینی جدوجہد سے پیچھے نہیں ہٹیں گے۔انہوں نے کہا کہ پی ڈی ایم کا امیدوار وقتی طور پر جیتا، نظریہ عمران خان کا جیتا ہے۔
