دوحا (جسارت نیوز )بھارت کی ٹینس اسٹار ثانیہ مرزا اور ان کی سلووینیا کی جوڑی دارآندریجا کلیپک ڈبلیو ٹی اے قطر اوپن ٹینس ٹورنامنٹ ویمنز ڈبلز سیمی فائنل میں پہنچ گئیں۔ انہوں نے ویمنز سنگلز کوارٹر فائنل میچ میں حریف روسی کھلاڑی اینا ولادیمیرونا بلنکووا اور ان کی کینیدین جوڑی دار گیبریلا ڈابروسکی کو شکست دیکر ایونٹ کا ٹاپ فور مرحلہ کھیلنے کا اعزاز حاصل کرلیا۔ قطر میں ڈبلیو ٹی اے ایونٹ میں کھیلے گئے ویمنز ڈبلز کوارٹر فائنل میچ میں بھارت کی ٹینس ا سٹار ثانیہ مرزا اور ان کی سلووینیا کی جوڑی دارآندریجا کلیپک نے شاندار کارکردگی کا مظاہرہ کرتے ہوئیحریف روسی کھلاڑی اینا ولادیمیرونا بلنکووا اور ان کی کینیدین جوڑی دار گیبریلا ڈابروسکی کو ا سٹریٹ سیٹس میں6-2 اور6-0سے شکست دیکر سیمی فائنل کے لئے کوالیفائی کرلیا۔
