اسلام آباد (آن لائن) وزیراعظم کے معاون خصوصی ڈاکٹر شہباز گل نے کہا ہے کہ عدالت عظمیٰ کا تاریخی فیصلہ آیا ہے، اس فیصلے کا فائدہ پوری قوم کو ہوگا، تاریخی فیصلہ ہوگیا کہ بیلٹ پیپر کو ہمیشہ خفیہ نہیں رکھا جا سکے گا، اپوزیشن کو ایسا فیصلہ آنے کا ادراک نہیں تھا۔ میڈیا سے گفتگو میں شہبازگل نے کہا کہ پی ٹی آئی کے ارکان کو پیشکشیں کی جا رہی ہیں۔ اپوزیشن کے متفقہ امیدوار نے ترک خاتون اول کا ہار چرایا۔ خرید و فروخت کی کوششیں کی جارہی ہیں مگر ان کو ناکامی ہوگی۔ عمران خان کے مؤقف کو آج تقویت ملی ہے، الیکشن کمیشن پر ہمیں مکمل اعتماد ہے۔
