کو ئٹہ(نمائندہ جسارت)بلوچستان کے ضلع نوشکی میں کسٹم نے کارروائی کے دوران کروڑوں مالیت کا اسمگل شدہ سامان برآمد کر لیا ہے ۔ کسٹم حکام کے مطابق کارروائی میں آر سی ڈی شاہراہ پر کی گئی جہاں چیکنگ کے دوران ایک مختلف گاڑیوں سے 114 کاٹن ادویات، 9 ہزار کلو کپڑا، 1440 انرجی ڈرنکس ، 4 ہزار مصنوعی جیولری ،اسپئر پارٹس، الیکٹرونکس آئٹم اور ایرانی خوردنی مواد کے علاوہ 2 گاڑیان تحویل میں لے لیں سامان اندرون ملک اسمگل کیا جا رہا تھا ، تاہم بروقت کارروائی سے یہ کوشش ناکام بنا دی گئی۔
