بہاول پور‘ فیصل آباد ( آن لائن‘ اے پی پی) حاصل پور روڈ اسرانی اسٹیشن کے قریب اسکول وین اور ٹرک میں خوفناک حادثہ پیش 3 طالبعلم جان کی بازی ہار گئے جبکہ7 زخمی ہوگئے ،جن میں سے 3 کی حالت تشویشناک بتائی جا رہی ہے ۔ ریسکیو 1122 نے موقع پر پہنچ کر زخمیوں کو بہاول پور منتقل کر دیا جبکہ ڈرائیور کو پولیس نے گرفتار کر لیا اور مزید کارروائی کی جا رہی ہے۔علاوہ ازیںفیصل آباد میں طالبات کو کالج چھوڑنے کے لیے جانے والا کیری ڈبا دھند کے باعث ٹریکٹر ٹرالی سے ٹکرا گیاجس کے نتیجے میں 2طالبات اور ڈرائیور شدید زخمی ہو گیا۔ سلونی جھال روڈ کے قریب گزشتہ صبح طالبات کو کالج چھوڑنے کے لیے جانے والا کیری ڈبا دھند کے باعث ٹریکٹر ٹرالی سے ٹکرا گیا۔ جس کے نتیجے میں35سالہ ڈرائیوربھی شدید زخمی ہوگیا۔حادثے کی اطلاع ملتے ہی پولیس اور ریسکیو 1122 کی امدادی ٹیمیں جائے وقوع پر پہنچ گئیں اور زخمیوں کو فوری طبی امداد کے لیے تحصیل ہیڈ کوارٹر اسپتال منتقل کیا جہاں زخمیوں کی حالت خطرے سے باہر بتائی گئی ہے۔
