اسلام آباد: سابق صدر آصف علی زردادی کا سینیٹ انتخابات میں پیپلز پارٹی رہنما یوسف رضا گیلانی کی کامیابی کیلئے سابق وزیراعظم نوازشریف اور پی ڈی ایم سربراہ مولانا فضل الرحمن سے ٹیلیفونک رابطہ کیا ہے۔
شریک چیئرمین پیپلز پارٹی آصف زرداری نے سابق وزیراعظم یوسف رضا گیلانی کو سینیٹ میں کامیابی دلانے کی ٹھان لی، اس مقصد کیلئے انہوں نے نواز شریف اور مولانا فضل الرحمن سے ٹیلیفونک رابطہ کیا، تینوں رہنماؤں میں سینیٹ انتخابات سمیت سیاسی صورتحال پر تبادلہ خیال ہوا۔
مولانا فضل الرحمن اور آصف زرداری کے درمیان سیاسی صورتحال، سینیٹ الیکشن اور لانگ مارچ پرتبادلہ خیال کیا گیا، گفتگو کے دوران خیبرپختونخوا اور دیگر صوبوں سے سینیٹ امیدواروں پر بھی مشاورت کی گئی۔
ذرائع کے مطابق یوسف رضا گیلانی بھی کامیابی کا حتمی پلان تیار کرنے کراچی پہنچے گے، جہاں وہ پیپلز پارٹی کے چیئرمین بلاول بھٹو زرداری اور سابق صدر آصف علی زرداری سے مشاورت کرینگے۔
