پشاور زلمی کے اوپنر کامران اکمل نے کہا ہے کہ مثبت سوچ کے ساتھ میدان میں اتروں گاٹیم کوچھوڑکرجانے کا سوچتا نہیں۔
نجی ٹی وی سے گفتگو میں کامران اکمل نے کہا کہ ارادہ یہی ہے کہ ٹیم کیلئے اچھے سے اچھا کھیلوں،کوشش ہوگی کہ اپنا سوفیصد دوں اورٹیم کوایک اچھا آغازفراہم کروں۔
انہوں نے کہا کہ ہرمیچ میں پورا دل لگاکرکھیلتا ہوں اوراپنا سوفیصد دیتا ہوں، ٹی 20میں اگردن اچھا ہوتوکھلاڑی ڈیڑھ سوبھی کرلیتا ہے، ذاتی رکارڈزکا نہیں سوچتا بس یہی سوچتا ہوں کہ ٹیم کوکیسے فائدہ ہو۔
کامران اکمل نے کہا کہ پہلا ہدف پلے آف کیلئے کوالیفائی کرنا پھرآگے جاکرٹائٹل جیتنا ہے جب ڈیوڈملرآجائیں گے توہماری بیٹنگ اوربھی بہترہوجائے گی،جب سامنے حسن علی سے میچ ہوگا تو دوستیاں یاریاں باہرہوں گی۔
انہوں نے اپیل کی کہ لوگ ایس اوپیزفالوکریں توکل مزید لوگوں کوآنےکی اجازت مل جائے گی۔
