راولپنڈی: اٹک کے علاقے فتح جنگ کے قریب پر بس اور ٹریلر میں تصادم کے نتیجے میں 5 افراد جاں بحق اور 19 زخمی ہوگئے جبکہ زخمیوں کو ہسپتال منتقل کر دیا گیاہے۔
تفصیلات کے مطابق تحصیل فتح جنگ کھوڑ روڈ فتح جنگ کے علاقے 7 میل کے قریب ٹریلر اور بس میں تیز رفتاری اور لاپرواہی کے باعث تصادم ہوا جس کے نتیجے میں 5 افراد جاں بحق اور 19 زخمی ہوگئے جبکہ زخمیوں میں کئی کی حالت تشویشناک بتائی گئی ہے۔
ریسکیو عملے نے جاں بحق اورزخمی افراد کو تحصیل اسپتال منتقل کردیا ، زخمیوں میں سے کئی افراد کی حالت تشویشناک بتائی جاتی ہے جبکہ پولیس کے مطابق حادثے میں شکار ہونے والی مسافر بس پنڈی گھیب سے راولپنڈی جارہی تھی اور حادثہ تیزرفتاری کے باعث پیش آیا ہے۔
واضح رہے اٹک کے علاقے فتح جنگ کے قریب کھوڑروڈ پرٹریفک حادثہ پیش آیا جہاں مسافر بس مخالف سمت سے آنے والے ٹرک سے ٹکرا گئی ، حادثے میں 5 افراد جان کی بازی ہار گئے جبکہ 19افراد زخمی ہوئے ،جن میں خواتین بھی شامل ہیں ۔
خیال رہے اطلاع ملنے پر ریسکیو 1122 کی 5 ایمبولینسز جائے وقوعہ پر پہنچی ، جہاں انہوں نے لاشوں اور زخمیوں کو طبی امداد دینے کے بعد تحصیل ہسپتال فتح جنگ منتقل کر دیا ہے جبکہ پولیس نے تفتیش شروع کردی ہے۔
