کراچی(اسٹاف رپورٹر)اسپورٹس بورڈ پنجاب نے پہلی انٹرڈویڑن ہاکی چیمپئن شپ کے کامیاب انعقاد کے بعد لاہور اور کراچی کے درمیان ہاکی چیمپئن شپ کرانے کا اعلان کردیا،اس حوالے سے ڈائریکٹرجنرل اسپورٹس پنجاب عدنان ارشد اولکھ کابیان سامنے آیا ہے جس میں ان کا کہنا تھا کہ ہاکی کے فروغ کیلئے لاہور اور کراچی کے درمیان جلد ہاکی چیمپئن شپ کرائی جائے گی جس میں لاہور اور کراچی کے جونیئر وسینئر کھلاڑی حصہ لیں گے، ڈی جی ا سپورٹس پنجاب نے مزید کہا کہ قومی کھیل کی بحالی اور ترقی کیلئے بھرپور اقدامات کررہے ہیں، چیمپئن شپ سے نیا ٹیلنٹ سامنے آئے گا،انہوں نے کہا کہ قومی کھیل کے فروغ کیلئے ہاکی کے مزید ایونٹس بھی کرائیں جائیں گے تاکہ ہاکی کا وہی وقار بلند ہو جس طرح ماضی میں ہمارے اولمپئن نے دنیا میں پاکستان کانام روشن کیا ہے۔
