سکھر(نمائندہ جسارت) صالح پٹ کے قریب گائوں میں اچانک آگ بھڑک اٹھی، آگ لگنے سے پانچ گھر مکمل طور پر جل کر خاکستر ہو گئے ،متاثرین کا کہنا ہے کہ 2 لڑکیوں کے جہیز کا سامان بھی جل گیا، متاثرین کھلے آسمان تلے بیٹھے ہیں۔تفصیلات کے مطابق صالح پٹ کے قریبی گائوں میں آتشزدگی،آگ نے پانچ محنت کشوں کے آشیانے جلاڈالے ،ہزاروں روپے مالیت کا سامان راکھ کا ڈھیر بن گیا ،مکین کھلے آسمان تلے آگئے ،صالح پٹ کے قریبی گاؤں صوفن بلوچ میں اچانک غریب محنت کشوں کی جھونپڑیوں میں اچانک آگ لگ گئی جس نے دیکھتے ہی دیکھتے پانچ جھونپڑیوں کو راکھ کے ڈھیر میں بدل دیا آتشزدگی کے باعث ہزاروں روپے مالیت کا سامان جل کر خاکستر ہوگیا آگ لگنے کے باعث جھونپڑیوں کے مکین صرف اپنی زندگیاں بچاسکے اور جھونپڑیاں جلنے کے باعث وہ کھلے آسمان تلے آگئے ہیں۔ متاثرین کے مطابق آتشزدگی سے جلنے والے سامان میں دو دلہنوں کے لیے تیار کیا گیا جہیز کا سامان بھی تھا جو راکھ میں تبدیل ہوگیا۔
