کراچی (اسٹاف رپورٹر) پاکستان سپر لیگ کی فرینچائزڈ ٹیمیں پشاور زلمی اور لاہورقلندرز نے دوسرے روز بھی پریکٹس اور ٹریننگ سیشن کیا۔حنیف محمد ہائی پرفارمنس سینٹر نیشنل اسٹیڈیم میں منگل کو کی جانے والی پریکٹس اور ٹریننگ سیشن میں دونوں ٹیموں کے ملکی اورغیرملکی کرکٹرز نے اپنے اپنے کوچز اور ٹرینرز کے ہمراہ بیٹنگ اور بولنگ کی پریکٹس کی جبکہ فیلڈنگ اور کیچنگ پریکٹس کو بھی جاری رکھا۔ پشاور زلمی کی ٹیم نے پریکٹس کے دوران خصوصی ٹریننگ کٹ کا استعمال کیا۔ انگلینڈ کے روی بوپارہ سمیت شعیب ملک ودیگر نے ٹیم کو جوائن کرلیا۔
