لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے سنگین نوعیت کے مقدمات میں ملوث 5 ملزمان کو گرفتار کرکے اسلحہ اور نقدی برآمد کرلی۔ ویہڑ پولیس نے مطلوب ملزم محمد علی جونیجو کو پستول اور گولیوں سمیت، دڑی پولیس نے اشتہاری ملزم الطاف ابڑو کو، حیدری پولیس روپوش ملزم فتاح سانگی کو اور باڈہ پولیس نے دو روپوش ملزمان دیدار ماچھی اور غلام حیدر ماچھی کو گرفتار کرلیا۔ دوسری جانب حیدری پولیس نے محمود پٹھان کی چوری شدہ موٹر سائیکل برآمد کرکے مالک کے حوالے کردی جبکہ انچارج انکوائری سیل نے لین دین کے معاملے پر شفاف انکوائری کرتے ہوئے منور علی بھرچونڈ سے غلام حیدر عرف ہزار خان کو دو لاکھ روپے دلوا کر مسئلہ حل کرایا۔ نوڈیرو کے قریب پیر ابل خیر بخاری کی زیارت پر جانے والے زائرین کے ٹریکٹر سے گر کر گا¶ں پھلپوٹو کا رہائشی 11 سالہ لڑکا فراز شیخ شدید زخمی ہوا، جسے ورثاءکی جانب سے تشویشناک حالت میں چانڈکا اسپتال کے شعبہ حادثات منتقل کیا گیا، جہاں دوران علاج لڑکا زخموں کے تاب نہ لاتے ہوئے دم توڑ گیا جبکہ ضروری کارروائی کے لاش ورثاءکے حوالے کردی گئی۔
