محمد رضوان ملتان سلطانز کے کپتان مقرر

ویب ڈیسک -
510

ملتان سلطانز نے پی ایس ایل 6 کے لیے وکٹ کیپر بیٹسمین محمد رضوان کو کپتان مقرر کر دیا۔

محمد رضوان کو جنوبی افریقا کے خلاف ٹیسٹ کے بعد ٹی ٹوئنٹی میں شاندار کارکردگی کا صلہ مل گیا، ملتان سلطانز نے ان کی قائدانہ صلاحیتوں کو پروان چڑھانے کے لیےٹیم کی قیادت سونپ دی۔

بیس فروری سے شروع ہونے والے پی ایس ایل 6 میں محمد رضوان ملتان سلطانز کی قیادت کریں گے۔ نئے کپتان کے ساتھ کھلاڑی نئے عزم کے ساتھ میدان میں اتریں گے۔

محمد رضوان جنوبی افریقہ کیخلاف ٹی 20 کے مین آف دی سیریز قرار پائے وہ ٹی 20 کرکٹ میں سنچری اسکور کرنیوالے دوسرے پاکستانی بیٹسمین بنے۔

کپتانی ملنے پر محمد رضوان نے کہا کہ پی ایس ایل بہت بڑا چیلنج ہے کوشش کروں گا پرفارمنس برقرار رہے۔

مزید خبریں