لاڑکانہ (نمائندہ جسارت) لاڑکانہ شہر کے تھانہ حیدری کی حدود سبزی منڈی کے علاقے سے دو معصوم بچیاں 10 سالہ پٹھانی اور 5 سالہ انجلی شیخ گزشتہ جمعے کے روز اپنے گاؤں شیخ کھوکھر سے لاڑکانہ آتے ہوئے راستے میں پراسرار طور پر لاپتا ہوگئیں جنہیں ورثاء نے تلاش کرنے کی کوشش کی تاہم بچیوں کا کچھ پتا نہ چل سکا۔ اس حوالے سے لاپتا بچیوں کے والد رفیق شیخ کا کہنا تھا کہ میری بیٹیاں گزشتہ روز گاؤں شیخ کھوکھر سے پیدل لاڑکانہ آرہی تھیں کہ راستے میں کہیں لاپتا ہوئے ہیں۔ انہوں نے مطالبہ کیا کہ لاپتا بچیوں کو تلاش کرکے انصاف فراہم کیا جائے۔ دوسری جانب لاپتا ہونے والی دونوں بچیاں پولیس کو مل گئیں، جس کے بعد بچیاں الخدمت فائونڈیشن کے انچارج انور کھوکھر کے حوالے کی گئیں، اطلاع پر ورثاء کے حوالے کر دی گئیں۔ پولیس کے مطابق بچیاں راستہ بھٹک کر پریشان تھیں، جنہیں انور کھوکھر کے حوالے کیا گیا تھا۔ دوسری جانب لواحقین بچیاں لے کر آبائی گاؤں آگانی روانہ ہوگئے، جہاں بچیوں کی گھر آمد کے موقع پر ورثاء نے خوشی کا اظہار کیا۔
