اسلام آباد(صباح نیوز+آن لائن ) پاکستان ڈیموکریٹک موومنٹ(پی ڈی ایم)کے سینیٹ الیکشن میں متفقہ امیدواریوسف رضا گیلانی نے اپنے کاغذات نامزدگی جمع کرادیے، کاغذات نامزدگی جمع کرانے کے لیے ن لیگ کے شاہد خاقان عباسی اور راجا پرویز اشرف کے ہمراہ الیکشن کمیشن پہنچے۔ یوسف رضا گیلانی کے کاغذات نامزدگی کی خاص بات یہ ہے کہ ان کے تجویز و تائید کنندگان میں 2 سابق وزرائے اعظم شامل ہیں۔ راجا پرویز اشرف تجویز کنندہ جبکہ شاہد خاقان عباسی ان کے تائید کنندہ ہیں۔قبل ازیں الیکشن کمیشن نے یوسف رضا گیلانی کاووٹ ٹرانسفر کرنے کی درخواست منظور کرلی ان کا ووٹ اسلام آباد کے سیکٹر ایف 8 کے پتے پر درج کرلیا گیا ہے۔
