کوئٹہ (آن لائن) سینیٹ انتخابات ،پاکستان تحریک انصاف میں اختلافات پیدا ہوگئے ،پی ٹی آئی مرکز نے بلوچستان سے عبدالقادر کو نامزد کردیا ہے تاہم پی ٹی آئی بلوچستان کے پارلیمانی لیڈر کے ترجمان نے کہاہے کہ عبدالقادر کا پارٹی سے کوئی تعلق نہیں ہے۔تفصیلات کے مطابق وفاقی وزیر فواد چودھری نے تصدیق کرتے ہوئے کہا ہے کہ عبدالقادر پی ٹی آئی بلوچستان کی طرف سے سینیٹ انتخابات کے امیدوار ہوںگے جبکہ دوسری جانب پی ٹی آئی بلوچستان کے پارلیمانی لیڈر سرداریارمحمد رند کے ترجمان بابر یوسف زئی کے مطابق عبدالقادر کا پی ٹی آئی سے کوئی تعلق نہیں ہے اور نہ ہی عبدالقادر کانام فائنل کرنے کے لیے پارلیمانی لیڈر سے مشاورت کی گئی ہے عبدالقادر ایک سرمایہ دار اور کنسٹرکشن کمپنی کا مالک ہے انہوں نے دعویٰ کیاکہ عبدالقادر پر نیب کے کیسز بھی ہیں چونکہ عبدالقادر نے ہر ٹھیکے میں شہبازشریف اور نوازشریف کے ساتھ مل کر غبن کیاتھا۔
