لاڑکانہ (نمائندہ جسارت) ایس ایچ او گیریلو انسپکٹر عبدالستار بھیو نے ناکہ بندی کے دوران گاؤں عمر بھیو سے چوری شدہ بھینس برآمد کرکے مالک غلام مرتضیٰ ابڑو کے حوالے کردی، ایس ایچ او حیدری سب انسپکٹر سجاد احمد بھٹی نے منشیات فروش ثناء اللہ شاہانی کو ایک کلو ایک پاؤ چرس سمیت اور شہری ارشاد سولنگی کی چوری شدہ موٹرسائیکل، زاہد لانگاہ اور مبشر کلہوڑو کی موبائل فونز برآمد کرلی۔ ایس ایچ او رتو ڈیرو انسپکٹر رحیم بخش کلہوڑو نے شہری طارق سومرو کی چوری شدہ بھینس اور شہری اختیار بروہی کی چوری شدہ موٹر سائیکل برآمد کرکے اصل مالکان کے حوالے کردیں۔ ایس ایچ او سچل سب انسپکٹر لیاقت علی کھجڑ نے شہری علی رضا شیخ کی چوری شدہ موٹر سائیکل برآمد کرلی۔
