راولپنڈی(سید وزیرعلی قادری) پاکستان اور جنوبی افریقا کے مابین2ٹیسٹ میچوں کی سیریز کا دوسرا اورآخری ٹیسٹ کل سے پنڈی کرکٹ اسٹیڈیم راولپنڈی میں کھیلا جائے گا،قومی ٹیم کو سیریز میں 1-0کی برتری حاصل ہے،میچ سے قبل دونوں ٹیموں نے مسلسل دوسرے روزا سٹیڈیم میں پریکٹس کی۔کوچنگ اسٹاف کی زیر نگرانی قومی کھلاڑیوں نے نیٹ میں بیٹنگ اور بولنگ کے ساتھ فیلڈنگ میں بھی خوب پسینہ بہایا،فزیکل فٹنس کی مختلف ڈرلز میں بھی سب شریک ہوئے۔قومی ٹیم کے آل رائونڈر فہیم اشرف کا کہنا ہے کہ پہلی بار ہوگا کہ پاکستان سائوتھ افریقا کے خلاف ٹیسٹ سیریز جیتنے جا رہا ہے، پاکستان کو سیریزمیں برتری حاصل ہے دوسرے میچ بھی جیتنے کی کوشش کریں گے، کراچی کی نسبت راولپنڈی کی کنڈیشنز کافی مختلف ہیں ،کھلاڑیوں نے بہت اچھی پریکٹس کی اور بھرپور ردھم میں لگ رہے ہیں،راولپنڈی میں فاسٹ بولرز کو مدد ملتی ہے۔ دونوں ٹیمیں دوسری بار اس گرائونڈ پر آمنے سامنے ہونگی۔اس سے قبل اکتوبر1997میں دونوں ٹیموں کے مابین پنڈی میں کھیلا گیا میچ ڈرا ہو گیا تھا۔ دوسری جانب پاکستان اور جنوبی افریقا کی کرکٹ ٹیموں نے سیریز کے دوسرے اور آخری ٹیسٹ میچ کی تیاریاں تیز کر دی ہیں، دونوں ٹیموں نے مسلسل دوسرے روزا سٹیڈیم میں پریکٹس کی۔پریکٹس سیشن 10 دس سے دن ایک بجے تک جاری رہا۔ کوچنگ اسٹاف کی زیر نگرانی کھلاڑیوں نے نیٹ میں بیٹنگ اور بولنگ کے ساتھ فیلڈنگ میں بھی خوب پسینہ بہایا۔فزیکل فٹنس کی مختلف ڈرلز میں بھی سب شریک ہوئے۔دونوں ٹیمیں آج بھی پریکٹس کریں گی۔پریکٹس سیشن کے بعد قومی آل رانڈر فہیم اشرف نے ویڈیو لنک پر میڈیا سے گفتگو کرتے ہوئے کہا کہ کراچی کی نسبت راولپنڈی کی کنڈیشنز کافی مختلف ہیں ، موسم جیسا بھی ہو وہاں اپنے اپ کو ایڈجسٹ کرنا پڑتا ہے،کھلاڑیوں نے بہت اچھی پریکٹس کی اور بھرپور ردھم میں لگ رہے ہیں،میں شروع سے ہی جتنی بولنگ پر توجہ دیتا ہوں اتنی ہی بلے بازی پر بھی توجہ دیتا ہوں۔انہوں نے کہا کہ پاکستان میں بھی اب پچز بہتر بننا شروع ہوگئی ہیں،راولپنڈی میں فاسٹ بولرز کو مدد ملتی ہے، آج کل کی نسبت اچھی پریکٹس ہوئی،میں ٹیم کی پریکٹس اور اپنی پریکٹس سے بھی بہت مطمئن ہوں۔انہوں نے کہا کہ میں نہ کوچ ہوں نہ کپتان ہوں میں کھلاڑی ہوں اس لیے نہیں معلوم کون سے کمبی نیشن کے ساتھ جائیں گے ، کوشش یہی ہوتی ہے کہ پاکستان جو بھی میچ کھیلے اسے جیتے اور سیریز اپنے نام کرے۔
