جونیئر ایشیا ہاکی کپ کے شیڈول کا اعلان

ڈھاکا(جسارت نیوز)جونیئر ایشیا ہاکی کپ کے شیڈول کا اعلان کر دیا گیا ہے جو یکم سے 10جولائی تک بنگلا دیش میں منعقد ہوگا۔جونئیر ایشا کپ کی تاریخ میں پہلی مرتبہ 10ٹیمیں شرکت کریں گی جس کے تمام میچز مولانا بھاشانی نیشنل ہاکی اسٹیڈیم ڈھاکا میں کھیلے جائیں گے۔شیڈول کے مطابق ایک دن میں 4میچز کھیلے جائیں گے۔ ٹورنامنٹ کے لیے 10ٹیموں کو 2گروپس میں تقسیم کیا گیا ہے۔ گروپ اے میں پاکستان، بھارت ، کوریا، بنگلا دیش اور چائنیز تائپے جبکہ گروپ بی میں ملائیشیا، جاپان، چین، سنگاپور اور ازبکستان شامل ہے۔روایتی حریف پاکستان اور بھارت کا مقابلہ 4جولائی کو ہوگا۔جونیئر ایشیا ہاکی کپ گزشتہ سال دسمبر میں شیڈول تھا جو کورونا وائرس وبا کی وجہ سے ملتوی کر دیا گیا تھا۔