لاڑکانہ(نمائندہ جسارت) نوڈیرو پولیس نے اشتہاری ملزم کریم بخش عرف کرو شیخ کو، رتوڈیرو پولیس نے منشیات فروش نذیر دیناری کو، یونیورسٹی پولیس نے دو مطلوب ملزمان الٰہی بخش اور شاہد کو، بقاپور سے دو ڈاکو بلاول عرف چنو انڑ اور صدام انڑ کو پستول، ریوالر اور گولیوں سمیت، ماہوٹا پولیس نے اسٹریٹ کرائم کے ملزم وسیم عرف ندو شر کو پستول اور گولیوں سمیت، سول لائنز پولیس نے بقاپور، گیریلو، تعلقہ ، سول لائنز اور دہامراہ سمیت دیگر تھانوں پر ڈکیتیوں اور پولیس مقابلوں کے مقدمات میں مطلوب و روپوش ملزم نصراللہ شر کو گرفتار کرلیا ہے۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی ہے۔
